好多識我嘅人都知道我對頭髮嘅注重程度～就同我化妝職業一樣好有要求～
（話說我3年前曾經比一間Salon搞到我啲頭髮傷到不能再傷～
輕輕一揸就斷～完全處於宣布死晒嘅狀態～＝＝）
由個時開始我所用嘅洗頭護髮產品都經嚴格挑選先敢用～
今次收到呢個 Herbal Essences 綠茶黃瓜洗髮露～
佢標明係天然護髮產品～用天然植萃成分幫助頭皮抗氧化令頭髮生得健康啲～
我即刻就同大家分享用後感～
產品簡介：
產品：Herbal Essences綠茶黃瓜洗髮露
簡介：Herbal Essences 是唯一得到英國皇家植物園認證的洗護品牌～
英國 No.1 的天然洗護品牌～
最強 10 大無添加～Herbal Essences 重視消費者的安全～
不含 10 大添加成分～如 BHA、礦物油、對羥基苯甲酸酯、麩質及著色劑～
用天然植萃成分幫助頭皮抗氧化～
輕輕加小小水都好易起泡～不錯～
Jellia 用後感：
Jellia 髮質屬於「受損髮質、較乾」
Before：一直我都勁重視秀髮嘅我～
一直都選用品質比較好嘅洗頭護髮產品～
但都一直遇到易甩頭髮、另外因為近期留長頭髮發覺頭頂比較扁塌～
同埋一訓醒覺就好易曲（如上圖）
就算洗完頭都有點頭髮好貼面唔夠蓬鬆感（如下圖）
至於After：
連用咗Herbal Essences綠茶黃瓜洗髮露6日後：
（我發覺我真係試得好鬼認真～哈哈～
話說成日收到好多人MSG話我知～佢哋原來成日都有留意我寫嘅BLOG有買我推介嘅產品～
只不過怕醜寧願做個背後支持我嘅FANS仔～
我聽到確實好感動㗎～所以我要更認真試真啲先～
好啦有點長氣添…入返正題）
用咗幾日確實感覺得甩小咗頭髮～洗頭時有輕微涼涼地嘅感覺～
但分別最大係用完佢之後覺得頭髮係無咁扁～（上圖）（特別適合油性或頭髮扁塌嘅人使用）
感覺髮質爽身咗～（下圖）整體嚟講不錯～
不過對於我受損髮質嚟講～唯一美中不足係～
我髮型太乾好易係過水時比較難梳開～
不過呢個問題好易解決～只需用返比較滋潤嘅護髮素就搞掂～
所以好似我髮質嘅人可以試下我呢個用法～
優惠：
如果有興趣嘅你不妨試下～而家仲有限時$15 優惠
http://bit.ly/2VFGLAL
＊產品由品牌提供＊
Please follow and like!
Facebook: www.facebook.com/Procedomakeup
Instagram: www.instagram.com/procedomakeup
Website: www.procedomakeup.com/blog
Email: procedomakeup@gmail.com