之前我就成日「出走香港」～但其實香港都有好多美景～
有時候想出走～目的只係想清靜一下～
說實話～我並不是行山之人～
所以我行嘅地方應該大家都唔會陌生～
而我呢個初學者行到嘅相信大家都一定輕鬆行到～
大澳係一個我幾鍾意嘅地方～
有時想行下散心嘅時候我都會去～
一個清靜而又可以睇到海景～重點又有美食嘅好地方～
不過今次去大澳～我本以為都係行下食下野～
點知比朋友捉咗去行山～
嚟過咁多次～今次真係第一次行虎山～
係完全毫無準備下行山～
開始嘅路我就揀咗條難行啲嘅～
因為行山初哥嘅我～上山唔怕但落山就…
（太習慣先苦後甜～）
今次真係好似日本人咁「著住高跟鞋行山」～
成日笑人～今次到我自己嘅時候～
心唸：或者佢哋都一樣～突然心血來潮去行山者～哈哈哈～
一路行一路欣賞美景～
一片綠油油的～
沿途風景真係好靚～
見到呢個亭～就知終於到達啦～
上山睇日落配上無敵大海景～
一個字「超～級～靚」～哈哈哈～
上到山～我忍唔住要自拍返張～
（有人以為我行到癲咗～未抺汗就要即刻自拍～）
其實…唉～又被誤解了～
怪就只能怪我職業病～
我只係想見證下～當日我所用嘅化妝品太強了～
我爆汗爆到頭髮都濕晒～
（圖中都見到兩邊面頰、下巴、額頭全部爆汗～）
一心以為會成個妝溶掉～
誰不知～成個妝真係無咩點甩～
（呢啲就係叫做真人示範～哈哈哈～）
【下次先同大家分享化妝心得～如果有人想知嘅話？哈哈哈】
我閉著氣期望鎖起快樂滋味～
係山上欣賞日落美景絕對成為我新興趣～
超鍾意看海嘅我～真係覺得超正～
睇完靚景心情都開心晒～YEAH～
日落時個天都勁靚～心心眼～
睇埋日落先願走～
話晒行上嚟個段路都真係好斜～
所以如果好似我怕落嘅人（有畏高嘅我）～
一係就行樓梯個邊上落～
或者好似我咁難啲個邊上易啲個邊落～
臨走都要影返張打卡相～哈哈哈～
路線：東涌搭11號巴士／屯門碼頭直接坐船到達
＊特別鳴謝朋友仔影嘅靚相～
Please follow and like!
Facebook: www.facebook.com/Procedomakeup
Instagram: www.instagram.com/procedomakeup
Website: www.procedomakeup.com/blog
Email: procedomakeup@gmail.com