知道 MUJI 開第一間 Hotel ～即刻心思思想去行一轉～
話晒都係「偽・文青」丫嘛～＞＜哈哈哈～
不過行完一轉之後～
總括嚟講我會建議如果你真係想住下嘅話～就緊係早去早享受啦～
但如果好似我咁～只係想行下嘅你可以遲啲先去～
因為連住酒店嘅大型商場有好多店鋪都未開～
好多 Coming Soon 嘅鋪囉～
我唸等啲鋪開晒先去嘅話會更正～
就商場嚟講～都真係算大～行得好舒服～
又有大型 MARKET～
都好多款式選擇～
好啦～入正題～
穿過商場對出就係 MUJI HOTEL～
裡面都真係幾靚～用木為主題～搞到我都忍唔住坐一坐欣賞下～哈哈哈
行返出酒店去另一邊門口入去 MUJI 餐廳坐下～
講真～真係幾靚～值得一讚～
（去過日本、韓國MUJI～覺得呢間嘅設計真係靚）
空肚北上去嘅關係～忍唔住立即坐低食返個下・午餐～
野食質素同香港 MUJI 差唔多～
唔難食但亦無太大驚喜～
食完再慢行呢兩層～
令我有小小驚喜嘅係～除咗平時啲家品、文具外～
仲有書籍賣～
書迷嘅我～都忍唔住停僅腳步睇睇書～
好多翻譯成中文嘅 Lifestyle 書～
亦有好多可以影到靚相嘅地方～
個人覺得呢間 MUJI Design 感重～
真係令我可以慢慢停留咗係到成兩個鐘～
一路行你會發現係呢到＿其實香港人係佔 8 成～
隔離左右大部份都係港人～哈哈～
除咗嚟 MUJI 影靚相之外～仲有一個地方推薦大家～
就係商場頂層～
成個商場最吸引我嘅地方就係個到～
上到頂樓感覺同大型商場內面唔同～又可以坐下休息下～
（印象中好似得頂樓同地下個層有椅子坐～）
重點係頂樓有好多位置可以影靚相～
相信各位「文青・偽文青」都應該會鍾意～哈哈哈～
地址：廣東省深圳市福田區皇崗路 5001 號深業上城
交通：福田口岸地鐵站坐 4 號綫到少年宮站～再轉 3 號綫往蓮花村站
再步行 15－20 分鐘到「深業上城」
（我會建議出咗站之後踏單車去會舒服好多～
站出面已經泊咗好多架單車比你任君選擇～
當日我就蠢咗～行咗成 1/3 先識得呢個方法～）
Please follow and like!
Facebook: www.facebook.com/Procedomakeup
Instagram: www.instagram.com/procedomakeup
Website: www.procedomakeup.com/blog
Email: procedomakeup@gmail.com