身為化妝師嘅我～每次幫客人化妝嘅時候成日都會比人問我究竟點樣保養？
邊到做 Facial 好？其實本人之前係極少出外做 Facial 嘅懶人…
不過隨著年紀增長～特別到咗「中女」呢個年紀～
發覺真係要開始好好保養一下～
剛好有朋友介紹呢間「 Neo Skin Lab 」比我試做～
咁我就膽粗粗去試下～
究竟Neo Skin Lab 好唔好？會唔會係黑店？等我同大家分享下啦～
我去嘅呢間係位於銅鑼灣世貿中心～入到去比我嘅感覺係好舒服～
好乾淨好整齊～接待我嘅職員態度都好親切～仲幾靚女添～
因為我係第一次嚟做 Facial ～所以佢哋安排我去房填寫小小個人資料～
最令我驚喜嘅係～佢哋一開始唔係一輪嘴問我問題～
而係準備一壺洋甘菊花茶同一啲曲奇～
超鍾意嘆茶嘅我真係覺得成件事令我好放鬆～
等我飲完茶之後～
佢簡單介紹下我將會做嘅 Facial 資料就帶我去另一間房～
（上圖就係今次為我做嘅德國醫學品牌 JANSSEN COSMETICS 全系列產品產品～）
而我今次所做嘅係「水漾透肌護理療程」～
入到房比我感覺都唔錯～有梳化仔又有 Locker ～
整體感覺唔錯～
一開始美容師就先幫我卸妝、潔面、Peeling、針清黑頭同修眉～
清完黑頭之後皮膚係會有啲紅紅地係正常嘅～（上圖）
清完之後美容師再幫我搽返 Toner 之後搽上精華～
再用超聲波儀器做導入～
完成導入後～仲做咗個倒模～保濕效果 UP ～
倒完模之後美容師仲幫我按摩肩頸添～
舒服到我訓著咗～哈哈哈～
完成成個療程之後～美容師都會幫我搽返護膚品～
明顯感覺到皮膚水份提升咗～效果都唔錯呀～
完成療程之後緊係係房到執返啲眼耳口鼻先走人～
臨走之前佢哋安排我去返第一間房～
照樣準備另一壺花茶同曲奇比我～
都有問下我有咩感覺同簽名確認我體驗咗療程～
呢次療程體驗就完成咗啦～
＊＊是次試用的療程由贊助機構提供～以上全是個人體驗後真心分享～
只屬個人意見～
Neo Skin Lab
銅鑼灣世貿中心 16樓 1605-06室
Please follow and like!
Facebook: www.facebook.com/Procedomakeup
Instagram: www.instagram.com/procedomakeup
Website: www.procedomakeup.com/blog
Email: procedomakeup@gmail.com