平時工作超忙碌嘅我～
Afternoon Tea 可謂係我減壓嘅一種好方法～
朋友們知道我係個 Cafe 迷～成日都會問我有咩地點推介～
所以嚟緊我會一個系列咁介紹下我去過嘅靚 CAFE 比大家～
等大家都可以係呢個咁急速嘅社會裡面放鬆一下～哈哈～
今次推介比大家就係呢間「飼說」～
呢到嘅地方真係幾舒服～
（我平日3點左右去～所以無咩人～）
呢到會有室外嘅地方～
個人比較鍾意室外一路呼吸空氣一邊慢慢食～
最令我鍾意嘅係佢用乾花嘅擺設～
（因為我真係一名花痴～哈哈～）
一坐低就急不及待睇下佢嘅 Lunch Set～
點咗呢個「黑松露火雞意大利飯」
呢個真係幾好食～
聞到一陣陣黑松露嘅香味～
同朋友好快速就食晒～哈哈～我哋真係太餓啦～
（食前點都要同食物影返幅相先～）
再點咗呢個 All day Breadfast～
呢個都唔錯～
食食下見到身後有個人Ukulee～
忍唔住彈咗一陣～
其實白色仲靚過我屋企個木色囉～
（合個照就當自己擁有咗～哈哈～）
食飽就當然要點杯飲品～
點咗呢杯「鮮西柚香桃梳打」
味道都OK～當然個外表係吸引過杯飲品味道～
幾得意～要自己落手溝埋一齊～
呢杯飲品係泰國都有～哈哈～
之前朋友曾經Send過比我～我仲話好想試～
估唔到香港都有得試～
啲冰裡面係生果果肉～
忍唔住要同佢合個照～
一講到食野～我個幸福樣就出晒嚟～哈哈～
另外都叫咗杯「柚子校車」（如何無記錯嘅話）
呢杯我試咗一啖笑咗～
第一下係有啲藥水味～飲多幾啖又覺得無咩嘢～
不過如果比我下次應該會試其他～唔會飲返呢杯囉～哈哈～
總括：
環境係舒服～佢有一個角落（我影相呢個位置）係真係用嚟影相呃 LIKE 一流～
食物真係好味～
飲品味道就一般～但個賣相係幾靚幾有心思～
價錢：約＄360左右
飼說 Speechify
電話：9227 4664
地點：怡和街42-44號華人銀行東區大廈2樓
Please follow and like!
Facebook: www.facebook.com/Procedomakeup
Instagram: www.instagram.com/procedomakeup
Website: www.procedomakeup.com/blog
Email: procedomakeup@gmail.com