如何打造最自然雙眼皮～【眼妝及髮型教學】

提及個人化妝～對於我嚟講～最煩惱嘅非我「雙眼」莫屬！
我屬於浮腫內雙眼皮～加上雙眼容易出油眼尾又容易出眼水～
試過無數次化眼妝失敗經驗嘅我～
終於發現呢個方法能夠有效改善我雙眼～
今次就同大家分享啦～

Before：我雙眼本身成日都好腫又內雙～加上原本眼珠較大同黑～
所以以前化妝成日都比人話我好惡…><

1：用 3M 雙眼皮膠紙～

2：貼於雙眼上然後可以去睡覺～
（記得別太過貪心，膠紙要貼於原先雙眼位高1mm左右）

After：睡醒後撕去雙眼皮膠紙就完成～

＃小小心得：
呢個方法必須有恆心去做～初時需每天做！
同埋盡量避免唔夠訓同太夜食飯嘅習慣～
（因為我發現呢兩樣最令我雙眼腫上加腫）
頭兩、三年我用呢個方法都好失敗～
因為貼完第二日如果比前一日眼更腫就做唔到雙眼皮嘅效果～
相反我避免令自己雙眼腫上加腫嘅原因～再用呢個方法～
我而家一星期只需做一次呢個方法～
我Keep住都有一個自己鍾意嘅眼型啦～

調完個雙眼皮位之後～
當然第一時間就要去遮返我個大黑眼圈啦～

冬天時我特別喜歡用潤身啲嘅遮瑕膏～
但一去到夏天我就一定轉用清爽啲嘅遮瑕膏～
（因為我雙眼實在太容易出油啦～）
Bobbi Brown呢盒遮瑕膏我好鍾意～
一盒有晒 Corrector, Concealer, Foundation 同 Pressed Powder～
重點係細細盒～帶出街都非常方便～