【旅遊點滴～】首爾好去處 Hello Kitty 迷必到之地

Hello Kitty 迷嘅我～嚟到首爾就緊係去朝聖一下～
遠處見到一個Kitty招牌就已經好興奮～
一上到去見到四周都係 Hello Kitty 真係「超・級・開・心」

影咗張外觀～雖然無我心目中咁靚～
（因為係門口其實擺放咗一大堆垃圾～
真係大殺風景…）

但一步入 Cafe 感覺就完全進入 Kitty 嘅世界～

一入門口就有一條樓梯～
一上去就見到間 Cafe 啦～
佢有室外同室內嘅地方～
當然我緊係入去裡面坐下 enjoy 下啦～

Hello Kitty Cafe 隔離就係一間 Shop～
有一啲 Hello Kitty 商品賣～
款式都幾多㗎～

入到 Cafe 點返杯飲品嘆下先～
見到啲甜品嘅樣真係好想試多幾款～
可惜得我一個人真係食唔到～

最後我就揀咗呢杯綠茶雪糕～
都真係好正呀～

Cafe 裡面都有啲巨型 Hello Kitty 公仔～

之後就上二樓～
走進 Hello Kitty 睡房～
嘩～多麼期待自己間房可以有咁靚～（妄想中）

Hello Kitty Cafe 二樓環境真係幾靚㗎！

飲完杯冰涼雪糕～緊係做返指定動作～
同 Hello Kitty 合照下啦～
咁我就用咗半日留係到陪 Kitty 啦～
Hello Kitty 迷一定要嚟呢到開心下呀！